काल आणि आज....

काल तुला मी चिंब ओल्या
सरीत भिजताना पाहीलं,
आज मात्र त्या सरींना
डोळ्यातून ओघळताना पाहीलं...

काल तूला मी गंध फुलांच्या,
गर्दित सुगंधताना पाहिलं,
आज मात्र त्या गर्दिला,
अक्षरशः कोमेजताना पाहिलं...

काल तूला मी चांदण्याच्या
सड्यात लख्ख चमकताना पाहिलं,
आज मात्र त्या सड्यावर,
अमावस्येच्या काळ्या बुरख्याला पाहिलं...

काल तूला मी आरश्यासमोर,
प्रतिबिंबाला स्मित करताना पाहिलं,
आज मात्र प्रतिबिंबाच्या त्या छबीने,
दर्पणालाच नकारलेलं पाहीलं...

सवय झाली होती तुझी मला,
म्हणून याचं कारण विचारून पाहीलं,
कारणाचं उत्तर ऐकताना अगदी,
तुझ्यासारखंच बदलताना मी स्वतःला पाहिलं...

-- सुर्यकिरण...